شاروخ خان : أنا حصور فيلم في مصر قريبا...

الفنان العالمي " شاروه خان " كان موجود في مهرجان دبي عشان العرض العالمي لفيلمه الأول " را وان
- Ra One" وقابله مراسلنا في المهرجان واتكلم معاه حوالين المهرجان وفيلمه وحاجات تانية كتير.

وفي الاول سألناه حوالين رأيه في مهرجان دبي السينمائي قال إنه مبسوط أوي
بالأداء في الدورة الجديدة للمهرجان وإنه شايف مواهب جديدة من كذا

دولة جاية تعرض أفلامها وتشارك في المهرجان فده عمل فرصة جديدة للنجوم، وإنه المهرجان ده ليه معزة خاصة عنده بسبب إن بيحب مدينة دبي

بشكل خاص وإنه مرتبط بيها جداً لدرجة إنه بيفكر يصور أفلامه الجاية فيها،
وإن دبي تعتبر مقياس مهم وضخم عشان تعرف رأي الناس في السينما لإنها بتضم
عدد كبير من الجنسيات والثقافات.

وعن فيلمه الجديد " ران وان - Ra One " قال إنه سعيد ومبسوط بالتجربة دي
خصوصاً إن الفيلم من نوعية أفلام الابطال الخارقين زي " سوبر

مان و Iron Man " والأفلام دي أول مرة تتعمل في الهند واتعملت بالاستيل
الأمريكي فخلي الفيلم يطلع بشكل جديد ومختلف وهيبدأ سكة جديدة في السينما
الهندية، خصوصاً إنهم عملوا استوديو خاص بالموثرات والخداع الجديدة عشان
تبقي معمولة بعد كده في الهند علي طول بدل ما كانوا

بيستردوا تكنولوجيا الافلام من أمريكا، فده هيخلي في المرحلة الجاية في افلام ابطال خارقين جديدة في السينما الهندية.
وكلمناه برضه عن شغله كمنتج للأفلام فقال إن عمل شركتين انتاج من حوالي 10
سنين عشان يدعم الصناعة في الهند لإنه شايف إنها مسئولية علي

كل ممثل بيحب الصناعة وعاوزها تستمر وعشان يدي فرصة للمواهب الجديدة والوجوه الجديدة تظهر.
وعن فيلمه التاني " دون 2 - Don 2 " اللي ظهر فيه بشخصية شريرة علي عكس كل أدواره قال إن الشخصية كانت جديدة عليه وعلي الجمهور

لكنه كان شايف الشخصية مناسبة جداً لإن في شخصيات شريرة بدرجة مبالغة في الحقيقية فالجمهور شاف شخصية حقيقية قدامه.
وعن فيلمه العالمي " أسمي خان - My Name Is Khan " قال إن هدف الفيلم ده هو تحسين صورة الإسلام في العالم وقدام الناس كلها، لإن في

ناس كتيرة خصوصاً من الشباب ومن الأطفال مش عارفيين حاجة عن الإسلام أو
المسلمين ودايماً بيشوفهم بشكل ارهابيين أو متخلفين فعشان كده عمل الفيلم
عشان يقول للعالم كله إن المسلمين مش متطرفين او متخلفين، فعشان كده قرر
إنه يغير شكله واستيله في الفيلم ده وظهر لأول مرة من غير

ما يغني أو يرقص زي باقي أفلامه، وإن الفيلم لما نجح عالمياً بشكل كبير
واترجم بأكتر من لغة وشافه ملايين وأثر فيهم وعرفوا يعني إيه اسلام ومسلمين
كان سعيد جداً وفخور بإنه قدر يوصل رسالة مهمة زي دي للعالم.

وعن مصر والسينما المصرية قال إنه بيحب عمر الشريف وأفلامه بشكل كبير وإنه
بيتابع الأفلام الجديدة في التليفزيون وفي المهرجانات وشايف إن

الأفلام المصرية بتقدم تجارب هادفة ومهمة بشكل كبير وإنها أغلبها معمول لهدف مش معمول بشكل تجاري.
واتكلم شاروه خان عن مصر وقال إنه بيحب مصر بشكل غير طبيعي ومتعلق بيها
بشكل كبير جداً وإنه صور قبل كده أغنية ليه في منطقة الفرافرة

والأهرامات والمتحف المصري وقعد في مصر ساعتها 12 يوم ورا بعض استمتع بكل
دقيقة فيها وأنبهر بالحضارة المصرية، وإنه يعرف مصر من زمان خصوصاً إن أبوه
كان بيسافر لمصر كتير ومن هنا بدا حبه لمصر، وإنه ناوي الفترة الجاية يجيي
لمصر ويصور فيلم فيها قريبا..
[ندعوك للتسجيل في المنتدى أو التعريف بنفسك لمعاينة هذا الرابط]

شكرااااااااااااااااااااااااااااا على الموضوع متميز دوما انشاء الله في انتظار كافة مشاركاتك وابداعاتك

» فيلم الحارس الهندى ل شاروخ خان و كاجول Baazigar 1993 مترجم عربى
» شاروخ خان: يوقفوننى فى المطارات لأن اسمى خان ولأننى مسلم
» تحميل و استماع اغانى فيلم Mohabbatein
» انفراد:تحميل فيلم الدراما DVDRipDolphin Tale 2011
» أغنية"Pairon Mein Bandhan Hai "من فيلم (mohabbatin )مترجمة للعربية